Dengue Bukhar ka ilaj, Lakshan, Karan, Bachne ke Upay in Hindi

Dengue ka Bukhar macharo se hone waali ek jaanlewa bimari hai. Puri duniya me aur khaaskar Bharat me ye vayral badi tezi se fail rha hai. Akhir ke 2-3 saal me degue ke mareejo ke sankhya me tezi se ijafa hua hai. Dengue Bukhar ek parkar ke virus family se hota hai jo machoro ke kaatne se Aapke shareer me parvesh kar jata hai. Yeh paya gaya hai ki Dengu ka machar din ke ujale me he kaat ta hai. Par agar raat me bhi kahi roshni ho to yeh us time bhi kaat sakta hai. Dengue Bukhar ka Ilaj agar samay rahte kar liya jaaye ko yeh thik ho jata hai. Yeh fever vaise to kisi ko bhi ho sakta hai. Par jyada hone ke sambhawna un logo me hoti hai jinka partirakshi tantar (Bimaari se ladne ke takat) kam ho.

Dengue Bukhar ka ilaj, Upchar Lakshan, Karan aur Bachav ke Upay Hindi me

Dengue Bukhar ka ilaj, Lakshan

Dengue Bukhar kaise hota hai, Dengue hone ke karan (Cause)

Dengue bukhar Aedes aegypti naam ke machar ke kaatne se hota hai. Ye machar jyadatar din me he kat ta hai ya fir raat hone se pahle sham ko. Dengue Bukhar saath me rahne, khaane peene ya hawa ke maadhyam se nahi failta.  Isme khoon me pletlets kam ho jaate hai.

 

Dengue virus 4 parkar ka hota hai, type 1, 2, 3 aur type 4. Jo Aedes aegypti Dengue machar ke kaatne se hamare khoon me parvesh (enter) kar jata hai. Jab kisi sankarmit (infected) vyakti (person) ko yeh machar kaat ta hai to uske virus machar me aa jaate hai. Aur jab vahi machar kisi thik vyakti ko kat ta hai to wo virus usme aa jaate hai. Aur us thik thak vyakti ko dengue ho jata hai.

 

Dengue Bukhar ke Lakshan (Symptoms)

  • Ekdum se Tez Bukhar chadna.
  • Sir me dard
  • Kamzori mahsoos hona, Muh ka sawaad kharab hona.
  • Bhuk naa lagna
  • Maanshpeshiyo aur Jodo me dard hona.
  • Bukhar ke 2 se 5 din baar shareer me laal chatte nishan hona.

 

Dengue Bukhar ka ilaj Upchar

Dengu Bukhar ke ilaj ke liye koi Vishesh dawa nahi hai. Agar apko yeh fever hai to aap dard se rahat ke liye koi painkiller le sakte hai. Bukhar thik karne ke liye Disprin  ya aspirin na le kyonki yeh halat aur kharab kar sakti hai. Is haalat main rogi ko bas liquid ka sevan karna chahiye, Paani kafi peena chahiye. Agar 24 hour ke ander bhi apki condition aur kharab hone lage to turant hospital admit ho jaaye.

 

Dengue Bukhar ke Gharelu desi Nukhse: Kya khana khaye

Taral Padarth (Naariyal Paani/Falo ka Rash)

Dengue ke mareej ko jitna ho sakte Liquid (Taral) peena chahiye. Falo ka rash, Nariyal paani aur Nimbu paani peeye. Yeh hamare shareer se Visheley (Toxin) padarth peshab ke jariye bahar nikal dete hai. Santare ka juice peena chahiye jisme bharpur maatra me vitamins hote hai. Yeh hamare pachan shakti aur antobodies ho bho badhata hai. jo Dengue Bukhar ka ilaj me madad karta hai.

 

Papeeta Patte se Dengue ka ilaj

Papeete ke patto ka juice bnaa ke peena bhi Dengue ka acha upchar hai.

 

Hari Pattedaar Sabjiya

Apne shareer me Dengue Virus se ladne ke liye ek healthy Diet lena bahot jaruri hai. Dengue ke Upchar me Hari sabjiya khaali chahiye jo paushat tatvo se bharpur hoti hai. Tali hui chijo ka parhej kare.

 

Protein Diet

Dengue ke thik hone ke baar uchch protien yukt aahaar (High protein diet) lene chahiye. Isse mareej ke andar sab kamzori door hogi. Hamare body me Khanij, Vasa, Proteen ke punar nirmaan ke liye yeh jaruri hai.

Dengue Bukhar se bachne ke Upay aur Roktham

  • Ghar ke ander aur apne aas paas paani jama mat hone de.
  • Cooler aur gamlo ka paani 1-2 din me jarur badal de. Hafte me ek baar cooler ka sara paani nikal kar use sukhaaye.
  • Macharo se bachne ke liye machardaani, saprey, cream yaa aur koi macharo ko bhagane wale chijo ka paryog kare.
  • Pure baaju ki shart/ t-shirt pahne, jisse macharo se katne se bacha jaa sake.
  • Ghar me samay samay par keetnaashak ka chidkaav kare.
  • Dengue ka machar saaf paani me panapta hai. Isliye kahi bhi jyada samay tak kahi bhi saaf paani jama naa hone de.
loading...

Leave a Reply

error: Content is protected !!